Kiko ta abuso doméstiko?
Bo pareha òf kasá por buska hopi manera pa kontrolá i hasi bo daño den tur forma tantu físiko, emoshonal i seksual. Pa loke ta trata abuso emoshonal, ta masha difísil pa bo por mir’é. Akinan e persona ta usa palabranan ku ta hasi e persona doló. Por ehèmpel bisa e persona e no ta sirbi òf menas’é i su yunan.
Un persona nunka no ta mustra bo ku e ta un abusador ora bo topa ku nan pa promé biaha. E ta kuminsá abusá den sierto sirkunstansia i no violento. Ku tempu e ta laga bo sinti ku bo no ta sirbi i e ta bira violento.
Mi ta wòrdu abusá?
Hasi bo mes e siguiente preguntanan:
- Bo tin miedu di bo partner?
- Bo partner a hasi bo daño físikamente?
- Bo partner ta fòrsa bo pa hasi sex?
- Bo tin miedu di bai kas, pasobra bo no sa kon bo partner su beis ta?
- Bo partner sa menasábu i bisabu ku e ta matabo òf bai lagabo?
- Bo partner ta bisa ku ta dor di usa alkohòl/droga, ta pesei e ta hasi bo daño?
Si bo a kontesta sí na algun di e preguntanan aki, bo ta wòrdu abusá
Rekonosé e sírkulo di abuso doméstiko
Agreshon
Abusador ta hasi uso di maltrato pa mustra ku ta é ta manda.
⇓
Kulpa
Abusador ta laga e víktima sinti kulpabel di e abusu
⇓
Éksküs
Abusador ta buska diferente moda pa diskulpa su mes pa no hañ’e den problema.
⇓
Tenshon
Tenshon ta kuminsá ora e abusador ta sinti ku e ta pèrdè poder i e ta buska tur manera pa e por hasi e víktima daño.
