20 di November 2023 tabata un dia realmente yena ku ambiente, alegria, kolo, hopi blas, slinger, musika, talento, baile i kanto.
Selebrando dia Internashonal di Derechi di Mucha PSI-Skuchami a entregá e buki: ‘Buki di Superheroe’ Mi derechinan i nos mundu, na e muchanan di Casa Manita huntu ku Minister Larmonie-Cicilia.
Tur aña PSI-Skuchami ta para ketu na e fecha importante aki i e aña aki a skohé pa traha un buki ku aparte di ta interaktivo, e ta hasi e muchanan konsiente di nan derechinan i tambe ta pone atenshon riba social media i e posibel efektonan negativo ku por tin riba mucha i hobennan. E buki ta den forma ku di un ‘werkboek’ ku e muchanan por traha huntu ku nan lidernan.
E muchanan aki a pone un smile grandi riba mi kara i mi ta sumamente kontentu di por a pasa un ratu ku nan riba e dia Internashonal di Derechi di Mucha!
